Afganët që janë strehuar në shëngjin protestuan këtë të mërkurë, pasi rrezikojnë të dëbohen nga hoteli ku po qëndrojnë prej disa muajsh.
Shkak është bërë mospagesa e detyrimeve nga njëra prej organizatave që financon qëndrimin e tyre në Shqipëri.
Sipas administratorit të hotelit, pagesat nuk janë kryer që nga muaji janar. Ndërsa është kërkuar ndërhyrja e qeverisë shqiptare për të zgjidhur këtë problematikë.
Në Shëngjin ndodhen ende rreth 320 afganë pasi pjesa më e madhe e tyre janë larguar drejt shteteve të bashkuara të Amerikës dhe Kanadasë.
