Kryeministri Edi Rama deklaroi se aeroporti i Kukësit do të jetë më standarde europiane dhe se do të operojë me çmime të ulëta.
Gjatë një takimi të mbajtur me banorët e Shishtavecit, në lidhje me programin 100 Fshatrat, Rama tha gjithashtu se aeroporti i Kukësit do të sjellë rritje konsumi dhe nxitje investimesh.
Sipas Ramës, 300 mijë udhëtarë do të përdorin aeroportin e Kukësit.
Sakaq, ai tha se e vetmja rrugë për të nxjerrë zonën nga varfëria do të jetë ajo e turizimit.
Kryeministri u bëri thirrje banorëve që të investojnë sa më shumë në agroturizëm pasi qeveria ka bërë një sërë lehtësirash për këtë fushë.