Adriatik Llalla tërhiqet nga vetingu
Ish-prokurori i përgjithshëm Adriatik Llalla largohet përfundimisht nga sistemi i drejtësisë shqiptare.
Mësohet se ai ka vendosur te mos shkoje ne Gjykatën e Apelit, vend i cili parashikohet ne ligj për kreun e organit qendror te akuzës pas përfundimit te mandatit te tij. I kontaktuar nga Vizion Plus ish-prokurori i përgjithshëm ka sqaruar se ka depozituar ne organet e vetingut kërkesën e dorëheqjes. Kjo lëvizje e ndërpret automatikisht procesin e rivlerësimit per te.
“Kam kërkuar dorëheqjen time nga e drejta per t’u emëruar gjyqtar ne ne Gjykatën e Apelit dhe per rrjedhoje nuk mund ti nënshtrohem procesit te vettingut.”
Adriatik Llalla është nje prej 57 gjyqtareve e prokuroreve per te cilet ka nisur procesi i vettingut ne fundin e vitit kaluar. Me përfundimin e mandatit pritej qe te dilnin rezultatet e procesit te skanimit përpara se Llalla te niste pune ne Gjykatën e Apelit sipas parashikimit ligjor.
