Modelja e famshme braziliane, Adriana Lima, është kapur mat në Turqi, me të dashur të ri, në Bodrum. Të dy të kapur dorë më dorë, Lima dhe Metin Hara – shkrimtar i njohur në Turqi, janë parë në shoqërinë e njëri-tjetrit.
Çifti arriti të largohej nga dalja e VIP-ave pasi lanë aeroportin Milas-Bodrum së bashku me pasagjerët e tjerë. Fotografët e shumtë që ishin të pranishëm e regjistruan këtë moment ndërsa po ecnin drejt një makine private që i çoi në hotelin e tyre.
Sipas mediave turke, udhëtimi i çiftit për në hotel bllokoi trafikun për shumë minuta, aq sa edhe dy makina u përfshinë në një aksident të vogël pasi aparatët vazhdonin të ndiqnin makinën e tyre.
Para se të shkonin në Bodrum, çifti u panë të putheshin në aeroportin “Ataturk” të Stambollit. Videoja u kap nga një kalimtar dhe u postua menjëherë në mediat sociale duke zbuluar kështu edhe një deklaratë të re dashurie.
Hara ka konfirmuar për mediat turke se është në lidhje me Lima: “Jemi takuar në Stamboll në qershor”, – tha ai dhe kemi mbajtur kontaktet që atëherë: “Kemi ndjenja për njëri-tjetrin, por të dy jemi ende duke e njohur njëri-tjetrin”, – shton shkrimtari për kuriozitetin e mediave, por duke kërkuar edhe respektin e tyre.
Pas dy ditësh në Bodrum, Lima ka një plan një ‘blue tour’ me vizita nëpër Turqi dhe në ishujt grekë.
Muajin e kaluar, Lima u fotografua me librin e Metin Hara “Invasion of Love: The Path” në aeroportin e Los Angeles.
