Jonaid Myzyri, i cili katër ditë më parë (30 qershor) u pezullua nga detyra e kryetarit të Komisionit të Prokurimeve Publike, KPP, është njohur me masën e sigurisë nga GJKKO mesditën e kësaj të premte.
Gazetarja e Vizion Plus, Blerina Cene mëson se GJKKO ka lënë në fuqi masat e pezullimit nga detyra dhe “detyrim paraqitje” për kreun e Prokurimeve Publike.
Myzyri është marrë i pandehur javën e kaluar për veprën penale “Shkelje e barazisë së pjesëmarrësve në tendera apo ankande publike”, e kryer në bashkëpunim.
Sipas SPAK, Myzyri dhe shtatë zyrtarë të tjerë kanë favorizuar gjatë një procedure prokurimi një bashkim operatorësh, që kanë depozituar dokumente të falsifikuara.
/vizionplus.tv
