Inspektorati Kombëtar i Mbrojtjes së Territorit ka kallëzuar në prokurorinë e Sarandës, kryetaren e bashkisë, Floriana Koka, ish kryetarin Edmond Gjoka dhe ish-shefin e urbanistikes Panajot Gunari.
Të tre zyrtarët akuzohen nga IKMT për shpërdorim te detyre dhe falsifikimi te dokumenteve.
Sipas IKMT, këta zyrtarë kanë dhënë leje në kundërshtim me ligjin për ndërtimin e një kompleksi multifunksional në zonën bregdetare.
Floriana Koka erdhi në krye të bashkisë së Sarandës në vitin 2015 nën logon e Partisë Socialiste.
Në 2013 Kontrolli i Lartë i Shtetit kallëzoi në prokurori ish-kryetarin e bashkisë së Sarandës, Edmond Gjoka.
Ai akuzohej për shitje te trojeve dhe dhënien e lejeve te ndërtimit ne mënyrë te jashtëligjshme.