Korrigjimi i kufijve nuk do të diskutohet në takimin e së premtes në Bruksel ndërmjet presidentit të Kosovës, Hashim Thaçi, dhe atij të Serbisë, Aleksandar Vuçiç.
Këtë e ka bëre te ditur zyra e kreut te shtetit për mediat ne Prishtine sipas te cilave takimi do te fokusohet tek modalitetet për arritjen e marrëveshjes përfundimtare me Serbinë, por çështja e Luginës nuk do te jete në axhendë.
Shumë here presidenti Thaçi ka artikuluar se bashkimi i Luginës së Preshevës me Kosovën do të jetë pjesë e dialogut me Serbinë qe na takimin e pare me Vuçiç.
Kjo zmbrapsje vjen si pasojë e një krize politike. Parlamenti dështoi te votonte dje përbërjen e ekipit negociator dhe seanca pas disa ndërprerjesh u shty.
Kryetari i kuvendit Kadri Veseli është shprehur se pa 61 deputetë nuk mund te vazhdoje seanca.
Nga ana tjetër mediat theksojnë se duke shtyrë seancën e jashtëzakonshme për ekipin negociator po fitohet kohë dhe pavarësisht asaj qe do te ndodhe grupi i negociatoreve te qeverise do ti bashkëngjitet presidentit Thaçi në Bruksel.
Ndërkohë kryetari i Lidhjes Demokratike të Kosovës, Isa Mustafa përmes një postimi në Facebook, ka theksuar se Thaçi dhe Haradinaj munden si individ dhe ekipe edhe të shkojnë në Bruksel, edhe të fotografohen. Por sipas tij as kreu i shtetit dhe as kryeministri nuk mund ta bëjnë marrëveshje sepse pa opozitën nuk mund të ratifikohet në Kuvend.
