Lufta mes Rusisë dhe Ukrainës, e cila tashmë ka hyrë në vitin e tretë, ka ngjallur frikë për një përhapje më të gjerë. Ukraina, që prej nisjes së agresionit rus ka marrë ndihma ushtarake nga SHBA dhe BE. The Economist shkruan seekonomia e Rusisë është 14 herë më e madhe se ajo e Ukrainës, ndërsa me mbështetjen e ndërkombëtarëve armatimet e kësaj të fundit janë më të mëdha.
Ndihma ushtarake e vendeve të BE-së ka tejkaluar 44 miliardë euro, ku vetëm Gjermania ka dhënë më shumë se 17 miliardë euro. Ndërsa Franca nga ana e saj ka ofruar vetëm 0.5 miliardë euro. Por aktualisht, ndihmat e reja të BE për Ukrainën kanë “ngrirë”, për shkak të vetos që ka ngritur kryeministri i Hungarisë Viktor Orban. Nga ana tjetër, n ë Uashington, 61 miliardë dollarë ndihmë ushtarake mbahet “peng” në Kongres.
Prodhimi amerikan dhe evropian i predhave është në rritje, por jo mjaftueshëm i shpejtë. Prodhimi amerikan i predhave 155 mm është planifikuar të arrijë në 1.2 milion në vit deri në vitin 2025, një rritje gjashtëfish nga viti i kaluar.
Evropa ka katër prodhues kryesorë të municioneve: Rheinmetall e Gjermanisë, Bae Systems e Britanisë, Nexter në pronësi të qeverisë franceze dhe Nammo, në pronësi të qeverisë norvegjeze dhe finlandeze. Pas luftës së ftohtë ata u përqendruan në krijimin e më pak sistemeve, më të sofistikuara./vizionplus.tv
