Alkooli është një ndër pijet më të preferuara në rastet e gëzimeve të ndryshme familjare dhe festive. Konsumimi i tepërt i tij ndikon që njerëzit t’i sjellë në humbje të vetëdijes.
Pija është e ndryshme dhe ka efekte të ndryshme tek meshkujt dhe tek femrat, alkooli është një pije që zë më shumë femrat në krahasim me meshkujt.
Sipas studimeve arsyeja se pse ka një ndikim më të madh dhe të shpejtë te femrat, është se ato kanë më pak ujë në trup dhe kjo nënkupton se niveli i alkoolit në gjak do të jetë më i përqendruar.
Po ashtu femrat kanë mëlçi më të vogël se meshkujt, dhe kjo e bën femrën më të prekshme ndaj dëmtimeve nga alkooli se sa meshkujt.
Gjithashtu femrat kanë më shumë yndyrë në trup në krahasim me meshkujt, dhe alkooli nuk absorbohet në inde yndyrore, kjo bën që tek femrat niveli i alkoolit në gjak të jetë më i përqendruar.
