Ekspertja zgjedhore Gerta Meta në një lidhje me emisionin Quo Vadis të moderatores Pranvera Borakaj në Vizion Plus, ka komentuar situiatën parazgjedhore në Shqipëri, ku për herë të parë në një proces zgjedhor do të kenë të drejtë edhe shqiptarët e diasporës të votojnë në vendet ku ata jetojnë.
E pyetur nga moderatorja Pranvera Borakaj se a është e drejtë që fëmijët e emigrantëve të përcaktojnë rezultatin e zgjedhjeve, Meta tha se është ende herët për të folur se sa përcaktuese do të jetë vota e diasporës.
Megjithatë ajo tha se shqetësues mbetet fakti se si do të garantohet fshehtësia e votës.
Pjesë nga biseda:
Borakaj: Janë shumë interesante të dhënat nga KQZ që dalin për regjistrimin e zgjedhjeve. Është shumë interesante dhe raporti, ku 70% e kërkesave vijnë nga gjinia mashkullore, por dua të ndalem dhe nga kërkesat dhe shtetet, sa përcaktuese mund të jenë ato? Si e ke parë këtë kërkesë të diasporës?
Meta: Kur shikon numrin, ritmin të duket sikur procesi është mirëpritur nga të gjithë. Urojmë që ky fluks është në ditët e para por deri në 4 mars kur është dhe afati përfundimtar të mundet të ketë këtë lloj prurjeje, që të realizohet ato parashikimet në 200 mijë. Por është pak kompetitive me shifrat që palët politike në bashkëpunim me KQZ të finalizohet deri në 100 mijë shtetas që do të regjistrohen. Janë vetëm parashikime. Ajo që vlen të përmendet është që patjetër që ne na vjen mirë, që më në fund këtë premtimin e palëve politike, që edhe shqiptarët që jetojnë jashtë territorit të ushtrojnë të drejtën e votës. Kemi 4 vjet që e dëgjojmë dhe gjithmonë spostohej. Të gjitha këto pikëpyetje që mund të jenë për të paragjykuar procesin e votës të ishin më të organizuara. Sa i përket platformës së KQZ për të dhënë garancitë e veta për procesin e regjistrimit, do sjell në vemendje palët politike për të ndihmuar zgjedhjësit e vet kanë krijuar dhe ato dy portale për regjistrimitn. Në këtë moment palët politike duhet patjetër të këmbëngulin që regjistrimi final është vetëm në platformën “PER” të KQZ. Sepse mund të jenë para faktit që unë jam regjistruar atje dhe pse nuk jam në regjistrin final.
Borakaj: Ishte kjo formula më e mirë, e duhura për votën e emigrantëve? A mund të jetë vota e emigrantëve përcaktuese?
Meta: Unë nuk e di sa përcaktuese do të jetë vota e emigrantëve, sepse do të shihet fluksi dhe vota e emigrantëve. Nëse do të jemi në të njjtës situata që këtu delegohen votat edhe brenda territorit të Shqipërisë. Unë gjithmonë flas në kuadrin e vëzhgimit dhe nuk jam specialiste e kalkulimit të rezultatit. Ky diskutim do bëhet apsi të shohmim sa do të regjistrohen, por dhe sa të vlefshme do të jenë fletët e votimit. Ajo që unë mendoj është se po shoh qetësi për palët politike, se duke menduar që a do ta përdoin nesër keqpërdorimin e mënyrës së votimit. Ata e kanë pranuar dhe thonë nuk e monitorojmë dot fshehtësinë e votës nga komunikimiet politike. Nuk e dimë sa të sigurt do të operohet. Mbase do të shkojë dikush atje do të kërkojë kartat dhe letrat e do të plotësojë zarfat që do të çojë KQZ. Mbase mund të përdorin alibinë për të kundërshtuar rezultatin e zgjedhjeve.
