Këtë sezon Luis Enrique drejtoi Barcelonën në një nga ndeshjet më të jashtëzakonshme të para ndonjëherë në Champions League. Katalanasit u kualifikuan përballë PSG edhe pse ndeshja e parë e përfunduar 4-0 nuk jepte asnjë shpresë.Por packa kësaj arritjeje, trajneri asturian nuk e ndryshoi vendimin e tij për t’u larguar në fund të sezonit, cka e ka lënë Barcelonën në kërkim të një zëvendësuesi.
Së fundmi sikurse raportojnë mediat italiane, Massimiliano Allegri shihet si trajneri ideal për të marrë drejtimin e skuadrës. Madje thuhet se kontaktet e para me trajnerin e Juventusit janë kryer tashmë dhe përflitet se katalanasit i kanë ofruar 49-vjecarit një pagë prej 8 milionë eurosh në sezon.
Allegri ka një përvojë goxha të suksesshme në Itali. Pasi drejtoi Milanin për 4 vite, duke fituar një kampionat dhe një super-kupë Italie, ai aktualisht është në sezonin e tretë me Juventusin, klub me të cilin ka arritur një finale Champions League-e, 2 kampionate, 2 Kupa dhe 1 Super-Kupë Italie.
Edhe pse në Spanjë zëvendësi i Luis Enriques kuotohet më së shumti Juan Carlos Unzue, në Itali thuhet se përvoja e suksesit që gëzon Allegri po e bindin gjithmonë e më shumë klubin katalan që t’i ofrojë atij një kontratë të bujshme. 49-vjecari ka ende një vit tjetër kontrat me Zonjën e Vjetër, por përballë një oferte prej 8 milionë eurosh në sezon, dhe mundësisë për të trajnuar Lionel Messin e kompani, vështirë të rezistojë.
