Gazetari Armir Shkurti u shpreh se Trump nuk joshet me ishullin e Sazanit.
I ftuar në emisionin “Quo Vadis,” nën moderimin e Pranvera Borakajt, Shkurti tha se fitorja e Presidentit do të ketë ndikim në politikën në Shqipëri.
Lexo edhe :
Related Posts
Shkurti tha se do të jetë si puna e tërmetit, pra siç shpjegon ai, bie tërmeti në Kukës dhe prishet ndonjë shtëpi edhe në Tiranë.
Pjesë nga intervista:
Shkurti: Duke njohur Trump-in dhe politikën, ai nuk pyet shumë për ishullin e Sazanit. Trump nuk është nga ata që të jep para për një ishull. Ai po përpiqet të blejë Grenlandën pa qenë ende president dhe po vendos pikat mbi ‘i’ në të gjitha drejtimet. Gjiri i Meksikës, për Trump-in, është Gjiri i Amerikës. Armëpushimi në Gaza u vendos sepse Trump tha që, kur të vijë ai, gjithçka duhet të jetë gati. Nuk ka nevojë që Trump të ‘blihet’ me Sazan, ai ka vendosur përpara Izraelin, fuqinë që kontrolloi Amerikën.
Borakaj: Do të ketë ndikim fitorja e tij në politikën shqiptare?
Shkurti: Do të ketë ndikim në të gjithë botën, por është si puna e tërmetit, bie tërmeti në Kukës dhe prishet ndonjë shtëpi edhe këtu. Pa ardhur Trump në pushtet, janë vendosur piketa në Gaza, po diskutohet për Grenlandën. Trump ka biseduar dhe me Zelenskyn, duke i thënë se luftën e ka të humbur. Shqipëria është një vend i vogël, jo vetëm 50 vjet mbrapa, por edhe 100 vjet anash. Sa të vijë vala këtu, bota ka mbaruar punë. Unë kam një merak timin, Rama është më i shkathët dhe më i aftë në lojën politike sesa të tjerët, dhe do ta kapë lojën. Trump është biznesmen. Ai nuk thotë që shqiptarët po vuajnë nga një diktator. Trump është negociator dhe me Ramën diskutohet shumë më lehtë. Një kryeministër që iu ul në gjunjë Melonit, nuk ka problem të ulet para Trump-it dhe të marrë atë që dëshiron. /vizionplus.tv
