“Revolta pa hartë e PD-së!” Kjo është tema e kësaj të enjte në studion e QUO VADIS në Vizion Plus.
I ftuar Grigels Muçollari, anëtar i kryesisë së PD komentoi strategjinë e opozitës për zgjedhjet e ardhshme.
Sipas tij, një element pozitiv është se partitë që nuk bashkohen përbëjnë vetëm 1/10 e elektoratit të PD-së. Ai nënvizoi se dakordësimi i PD-së për të bërë koncesione me partitë e vogla është një hap i rëndësishëm për të siguruar bashkimin e opozitës.
Nga ana tjetër, gazetarja Danjela Maloku u shpreh skeptike, duke thënë se deklaratat janë të bukura, por jo gjithmonë pasqyrojnë realitetin.
Pjesë nga biseda:
Muçollari: Ajo që është për t’u parë në aspektin pozitiv është se partitë që nuk bashkohen bëjnë 1/10 e elektoratit të PD. Lajmi i mirë është dakordësimi i PD për të bërë koncesione me partitë e vogla, duke parë të nevojshëm bashkimin. Se nesër janë mandate që do lëshojë Partia demokratike. PD është e vetmja që humb në këtë diskutim, por këtë duhet ta bënte.
Borakaj: Është Berisha i hapur për çdo sistem zgjedhor?
Muçollari: Është dakordësuar që propozimi që PD do të paraqesë, të dakordësohet edhe nga partitë e vogla.
Maloku: Janë fjalë të bukura, por jo fakte. Lapaj del çdo natë para Kryeministrisë dhe i thotë PD-së “eja”. PD ka zgjedhur tjetër rrugë. Shehaj, nga ana tjetër po ashtu ka zgjedhur tjetër rrugë. Kanë kërkesa të ndryshme.
Muçollari: Kërkesat janë gati të njëjta.
/vizionplus.tv
