Astrit Patozi u shpreh në “Quo Vadis” se kodi elektoral nuk i favorizon koalicionet.

Pyetjes nëse Bindja Demokratike do të bëjë koalicion me partinë e udhëhequr nga Jozefina Topallin, “Lëvizja për Ndryshim”, ai deklaroi se edhe në këto zgjedhje, ka gjasa që secili të garojë më vete.

“Mund të ishim, mund të mos jemi, kjo nuk ka shumë vlerë. Unë kam përshtypjen që kodi elektoral, në mënyrën sesi është ndërtuar, me djallëzi do thoja dhe me dashakeqësi ekstreme nga Edi Rama në radhë të parë, por edhe me miratimin në distancë të Lulëzim Bashës, nuk i favorizon koalicionet. Ka shumë gjasa që secili të garojë më vete në këto zgjedhje ashtu si ndodhi edhe në vitin 2017. Sepse menyra si është ndërtuar kodi por edhe konteksti politik, siç po e shikoni, të gjitha palët po garojnë më vete. Edhe ajo që konsiderohet opozita e bashkuar, në fakt do të jetë me dy lista. Pra, megjithëse janë dy parti, secila do të kandidojë në listë më vete sepse ky ka qënë qëllimi i Edi Ramës kur hoqi koalicionet me kushtetutë.”

Për Patozin, Partia Demokratike është partia më staliniste në Shqipëri.

“Shikoj që partia më staliniste në Shqipëri ka ngelur PD-ja, ndërkohë që duhet të ishte e kundërta. Pra gjurmët e stalinizmit mund t’i gjenim tek e majta, sepse e majta është trashëgimtare e enverizmit apo e Partisë së Punës në Shqipëri. Sepse PD-ja, për fat të keq, është e vetmja që ngjason me atë punëmarrësin që kur dikush nga dipendentët e largon nga puna, mërzitet pse gjen një punë tjetër. Ky është rasti me ne. që ata na shikojnë ne si njerëz që ju prishim punë, ndërkohë që ne ishim të panevojshëm sa kohë që ishim brenda PD-së.”

Leave a Reply

Your email address will not be published. Required fields are marked *