I pyetur nëse është kundër apo pro vaksinës, epidemiologu Taulant Muka u shpreh në “Quo Vadis” se vaksina nuk duhet të bëhet me detyrim. Sipas tij, duhet siguruar që vaksina nuk ka efekte anësore afatgjate.
Ndërkohë, ai e sheh të panevojshëm që të vaksinohet kundër COVID, përderisa nuk është në një nga grupet që janë më të rrezikuar.
“Unë personalisht do pres, fatmirësisht deri më sot që e njoh veten jam i shëndetshëm, nuk jam në grupet e rrezikut, nuk besoj, sikundër nuk e kam bërë vaksinën e gripit, asnjëherë në koshiencën time, nuk kam nevojë pse ta bëj dhe vaksinën e Covidit, në rast se do isha një grup rreziku mund ta mendoja dhe prandaj është e rëndësishme që të gjithë qeveritë nuk duhet ta bëjnë me detyrim vaksinën Covid, pa u siguruar që vaksina nuk ka efekte anësore afatgjate.
Epidemilogu shtoi se bëhet fjalë për barna epigjenetike dhe se është e rëndësishme që të mos përshpejtohet aplikimi i vaskinës pa u siguruar që nuk ka efekte anësore afatgjata, pasi, në të kundërt, mund të shkaktojë dëme të mëdha.
“Psh sot po prodhohet për herë të parë vaksina mikro ARN që bën ndryshimet gjenetike të njeriut dhe për sa kohë nuk është testuar në afatgjatë, tre apo katër vjet për të parë, sic bëhet me të gjithë mjekimet në botë, sigurisht që unë mund të hezitoj ta bëj një vaksinë të tillë. Këto janë barna epigjenetike, në kancer, që kanë treguar që kanë efekte anësore, prandaj është shumë e rëndësishme të mos shpejtohen në mendimin tim shkencor, të tregohemi të matur, pasi aplikimi i një parandalimi të tillë, kur nqs do dali një efekt anësor, për arsye se mund të aplikohet në masë, efektet anësore mund të jenë të jashtëzakonshme.”
