Ilir Meta ka deklaruar mbrëmjen e sotme në “Quo Vadis” se opozita sot është më e fortë se kurrë dhe shumë shpejt do të rrëzojë regjimin.
I ftuar në “Quo Vadis” Meta deklaroi se Partia e Lirisë është organizuar dhe nga e shtuna nis përmbysja e madhe.
I pyetur nga analisti Mentor Kikia nëse do ja japë sërish partinë për përdorim Sali Berishës nëse nuk i japin vulën, Meta ka thënë se nuk është ky momenti për të folur.
Pjesë nga biseda:
Kikia: Cila do të jetë marrëdhënia mes PL-së dhe partisë pa vulë të Berishës?
Meta: Kjo është një çështje teknike. E gjithë situata është politike. Asgjësimi i opozitës, mbajtja e kukullave si ky komiku që është peng, dhe përpjekja për të krijuar një konfuzion opozitar. PL po jep shembullin e organizimit të fortë, serioz, kemi treguar se jemi shumë bashkëpunues. PD ka bërë hapa përpara. Ne jemi të bindur që opozita shumë shpejt do të jetë e papërballueshme.
Borakaj: Si, çfarë do të ketë ndryshe?
Kikia: Të jemi konkretë zoti Meta. Opozita nuk ka më çfarë të denoncojë, opozita duhet të ngrejë alternativën për qeverisje. Kush do të jetë kandidati për kryeministër?
Meta: Kur të vijë momenti do ta themi. Rama do të shembet si kala prej kartoni.
Borakaj: Nga kush?
Meta: Nga opozita e vërtetë.
Borakaj: Pse nuk e bërë më herët?
Meta: Se kishim një rrethim të vogël. Ne dalim nga rrethimi i vogël të shtunën dhe nsim rrethimin e madh.
