Deputeti i PD, Ervin Salianji ka folur pas shtyrjes së seancës në gjykatën e Apelit.
Në një prononcim për mediat, Salianji tha se është manipuluar procesi me një dëshmitar të rremë. Salianji tha se është i sigurt që do të ketë një vendimmarrje për pafajësi.
Ai u pyet nga gazetarët nëse do e pranoje vendimin e gjykatës nëse dënohet me burg?
“Çfarë do bëj do hidhem përpjetë, do e zbatoj. Po u them faktin që të gjithë ose janë larguar nga vettingu ose kanë dhënë dorëheqjen. Sot ato që kanë marrë vendim nuk janë në sistemin gjyqësor. Jam i sigurt se do të ketë një vendimmarrje për pafajësi”, tha Salianji.