Vendet e Ballkanit mbështesin anëtarësimin e Ukrainës në NATO

Ministrat nga vendet e Ballkanit kanë mbështetur pranimin e Ukrainës në NATO kur të gjithë aleatët të bien dakord.

Një deklaratë e përbashkët e samitit u publikua nga Ukraina dhe Kroacia pas një takimi ministror në Dubrovnik, shkruan Sky News.

Nënshkruesit përfshinin zyrtarë të lartë nga Kroacia, Kosova, Moldavia, Mali i Zi, Shqipëria, Maqedonia e Veriut, Rumania dhe Sllovenia.

Sipas deklaratës, anëtarësimi në NATO mbetet “opsioni më i mirë i sigurisë nga ana e kostos efektive për Ukrainën”.

“As Rusia dhe asnjë shtet tjetër që nuk është anëtar i NATO-s nuk ka të drejtë të vërë veton ndaj zgjerimit të Aleancës”, thuhet në deklaratë.

Deklarata mbështeti gjithashtu anëtarësimin e ardhshëm të Ukrainës dhe kandidatëve të tjerë në Bashkimin Evropian.