Takimi i radhës për dinarin, Lajçak: Presim hapa konkretë drejt kompromisit
Takimi i shtatë trepalësh për çështjen e dinarit mes kryenegoicatorit të Kosovës Besnik Bislimi dhe atij të Serbisë Petar Petkoviç, nën ndërmjetësimin e Miroslav Lajçak nisi në Bruksel. Diskutimet do të përqendrohen te zgjidhja përfundimtare për vendimin e BQK-së e cila ndaloi valutën serbe Dinarin , për shit-blerje dhe transaksione financiare në territorin e Kosovës.
Në takimet e mëparshme Kosova dhe Serbia nuk arritën t’i harmonizojnë qëndrimet lidhur me këtë çështje , por i dërguari i Bashkimit Evropian për dialogun, Miroslav Lajçak, shprehu optimizmin se takimi i radhës do të jetë rasti i fundit për zgjidhje. Diplomati sllovak deklaroi se në takimin pret nga palët hapa konstruktiv drejt kompromisit të propozuar për zgjidhjen e krizës.
Më 1 shkurt të këtij viti, Banka Qëndrore e Kosovës mori një vendim sipas të cilit euro do të jetë valuta e vetme për kryerje të pagesave.
Pas kritikave të shumta, ky institucion propozoi një periudhë tranzitore për çështjen e dinarit, e cila përfundoi pak ditë më parë.
Banka qendrore tha se pas përmbylljes së periudhës transitore ka licencuar tetë degë të institucioneve financiare në komunat me shumicë serbe, në Leposavic, Zveçan, Graçanicë, Shtërpcë dhe një në Shillovë të Gjilanit.
Ky institucion bëri të ditur gjithashtu se ka vendosur edhe 38 bankomate për ofrimin e shërbimeve.
TAKIMI I RADHËS PËR DINARIN
LAJCAK: PRESIM HAPA KONKRETË DREJT KOMPROMISIT
