Policia e Kukësit sekuestroi 930 kg duhan kontrabandë këtë të mërkurë. Gjatë operacionit, u prangos edhe shoferi 38-vjeçar, i cili po bënte transportin e duhanit me furgon.
Për duhanin nuk kishte faturë shoqërimi, çka do të thotë se për të nuk ishte paguar akcizë.
I arrestuari akuzohet për “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës” dhe “Tregtimi dhe transportimi i mallrave që janë kontrabandë” dhe “Fshehja e të ardhurave”.