91 kallëzime për krime zgjedhore janë dorëzuar pranë Prokurorisë së Posaçme Antikorrupsion.
Sipas SPAK nga këto, subjektet politike kanë bërë 55 kallëzime, ku konkretisht PD me 50 raste, LSI me 3 raste, PS me vetëm 1 rast si dhe FRD gjithashtu me një denoncim. Ndërsa institucioni i presidentit ka referuar 18 raste.
Paditë janë bërë në periudhën mars-prill. SPAK njofton se deri më tani janë regjistruar 32 procedime penale për të cilat vazhdon hetimi. Nga ana tjetër për 7 të tilla është vendosur mosfillim të hetimeve, ndërsa 15 raste janë dërguar për verifikime paraprake në polici.
10 denoncime janë bërë gjithashtu nga policia gjyqësore, ndërsa prokuroritë e rretheve kanë dorëzuar 10 referime.