Subscribe

Nëntë familje të komunitetit rom në Lezhë janë nxjerrë me forcë nga policia bashkiake mbrëmjen e të martës nga ambientet e palestrës të gjimnazit “Hydajet Lezha” ku ishin strehuar pas tërmetit të 26 nëntorti.

Ata u detyruan të kalojnë natën jashtë, ndërsa nuk munguan përplasjet me punonjësit e bashkise. Banorët  pranojne se e kanë marrë bonusin por shuma, sipas tyre, është e pamjaftueshme për t’u shpërngulur në banesa me qira.

 

Nga ana tjetër, ata thonë gjithashtu se krahas çmimeve të larta, janë te diskriminuar edhe nga pronarët e banesave me qira për shkak se i përkasin komunitetit rom.

Ndërkohë, vëtë bashkia e Lezhës ka reaguar në lidhje me ngjarjen ndërsa ka bërë me dije se 9 familjet janë njoftuar paraprakisht dhe se duhet të lironin ambientet e shkollës, pasi kanë marrë bonusin e qirasë.

Leave a Reply

Your email address will not be published. Required fields are marked *