873 viktima nga koronavirusi në 24 orët e fundit në Britaninë e Madhe

Rritet numri i viktimave nga koronavirusi gjatë 24 orëve në Britaninë e Madhe.

Shifra e raportuar këtë të martë është dy herë më shumë se dje, ku humbën jetën 449 pacientë. Në total regjistrohen 17,408 vdekje nga koronavirusi.

Vdekjet më të larta u shënuan në Angli (778),  Skoci (70), ndërsa në Uells u regjistruan 25 viktima. Sakaq, Irlanda Veriore nuk ka publikuar ende numrin e vdekjeve për sot.