Mes emocionesh dhe surprizash u mbyll edhe mbrëmja e shtate e “Gjeniut të Madh” në Vizion Plus, e cila vuri përballë 8 konkurrentët e tjerë, në ekranin e Vizion Plus.
Emocione që në disa raste ndikuan tek performancat, një juri që tashmë sheh e vlerëson çdo detaj, batuta e debate, një orkestër fantastike që ndjek e u vjen në ndihmë në çdo moment konkurrentëve dhe në fund finalizohet gjithçka me balotazhin e parë për këtë edicion. Ajet Tozharaku dhe Shkëlzen Byku do të rikthehen sërish në fillim të natës së 8-të në një përballje të dytë për të qartësuar më shumë jurinë rreth vendimit final.
Muzika shqiptare ishte sërish mbizoteruese edhe në këtë mbrëmje e alternuar me tingujt greke dhe latin. Një garë që sa vjen e bëhet edhe më e fortë për më tepër kur të këshilluar shpesh edhe nga anëtrët e jurisë, konkurrentët përfeksionohen gjithmonë e më shumë. Të tilla ishin performancat e Jorgjetës, Anës dhe Adrianës, të cilat morrën vlerësimin maksimal nga juria. Evelina që në këtë javë erdhi me një këngë popullore, shprehu konsideratat e saj më të larta për orkestrën duke e cilësuar atë si pjesë të suksesit. Shfaqën pasiguri në këtë mbrëmje Fatmiri, Roberti, Ajeti e Shkëlzeni, gjë e cila u evidentua edhe nga juria, e cila vendosi që dy të fundit ti dërgojë në një sfidë.
Nuk munguan në këtë mbërmje as batutat e replikat mes anëtarëve të jurisë të cilët duke se shpesh nuk ndajnë të njëjtin mendim për konkurrentët në garë. E tillë qe edhe situata e krijuar pas përfundimit të sfidës, ku Stefi u shpreh i habitur lidhur me reagimin e dy prej anëtrëve të jurisë, Rozit dhe Ardit, të cilët shoqëruan në këmbë dy performanca që nuk ishin aspak në nivelin e duhur. Por Rozana sqaroi gjithçka teksa kishte reaguar ne respekt te kantautorit te madh te muzikes shqiptare Françesk Radi, ndërkohë që ndante të njëjtin qëndrim lidhur me përformancat e kësaj sfide.
Secili prej anëtarëve zgjodhi konkurrentët, që do të vijojnë garën në javët në vijim.
Në sfidë mbetën Ajeti dhe Shkëlzeni. Përballje, e cila i ndau votat e jurisë në dy pjesë, duke mos eliminuar asnjë prej djemve, por duke i çuar në balotazh.
Ndaj automatikisht Shkëlzeni dhe Ajeti do të nisin natën e nëntë të spektaklit, ku njëri prej tyre do të duhet ta ndërpresë garën.
Tashmë gara bëhet edhe me interesante, teksa nga java që vjen 12 finalistë do të garojnë mes tyre në katër mbrëmjet pasardhëse, për të çuar në finale e madhe vetëm 8 prej tyre. Deri atëherë qëndroni me Vizion Plus për të përjetuar emocionet e forta të një gare që nuk ka të humbur.
