69-vjeçari në Golem vetëvritet duke u hedhur në pus/ Djali lajmëron policinë

Një ngjarje e rëndë ka ndodhur në Golem, ku një 69-vjeçar i ka dhënë fund jetës.

Sipas uniformave blu dyshohet se ky shtetas është vetëhedhur në një pus.

Ka qenë shtetasi F.I, i cili ka njoftuar policinë se babai i tij është vetëhedhur në pus.

“Rreth orës 07:50, shtetasi F. I. ka njoftuar se babai i tij, shtetasi S. I., 69 vjeç, dyshohet se është vetëhedhur në pus, te mali i Robit, dhe si pasojë ka humbur jetën.

 

Në vendngjarje kanë shkuar shërbimet e Policisë dhe grupi hetimor, të cilët vijojnë punën për sqarimin e plotë të rrethanave të kësaj ngjarjeje”, thuhet në njoftimin e policisë.