Turqia do të fillojë të transferojë 10 milionë metra kub gaz natyror në ditë nga Deti i Zi,në tremujorin e parë të vitit 2023.
Lajmin e ka bërë të ditur vet presidenti turk, Rexhep Tajip Erdogan, gjatë fjalës së tij në ceremoninë e zhytjes dhe saldimit të tubit të parë në det për gazsjellësin e ri.
RECEP TAYYIP ERDOGAN
PRESIDENT, TURQI
“Në tremujorin e parë të vitit 2023 do të kemi transferuar në sistemin tonë kombëtar 10 milionë m3 gaz natyror, sasia që do të prodhohet në fazën e parë. Shpresojmë që fusha gazmbajtëse «Sakarya» të arrijë kulmin e prodhimit në vitin 2026. Ne synojmë ta rrisim kapacitetin tonë të prodhimit ditor të gazit në 40 milionë m3 përmes 40 puseve që do të shpohen në këtë fushë”
Transmetimi i parë i gazit është planifikuar të behet përmes një tubacioni nënujor 150 kilometra të gjatë. Kreu i shtetit turk e ka cilësuar këtë projekt si historik .
RECEP TAYYIP ERDOGAN
PRESIDENT, TURQI
“Ne do të vazhdojmë luftën tonë në një mënyrë të shumëanshme derisa ta bëjmë Turqinë një vend që ka zgjidhur plotësisht problemin e sigurisë së furnizimit me energji. Është e rëndësishmepër vendin tonë të bëjmë një zbulim të tillë historik me pajisjet tona.”
Turqia aktualisht ka tre anije shpuese, operojnë në Detin e Zi dhe Detin Mesdhe.