65-vjetori i forcave ajrore

65-vjetori i krijimit të forcave ajrore është kujtuar ne bazën e Kuçovës. Ne ceremoni ka marre pjese Ministrja e Mbrojtjes, Mimi Kodheli dhe drejtuesit e larte te ushtrisë shqiptare. Kodheli vlerësoi progresin e flotës ajrore, duke theksuar se profesionalizmi i saj është rritur ndjeshëm vitet e fundit. Ministrja Kodheli njoftoi se pas procesit të demilitarizimit nis ai i shitjes në ankand të avionëve dhe armatimeve të panevojshme. Në ceremoninë e 65-vjetorit të Krijimit të Forcave Ajrore, familjarëve të dy pilotëve Floiran Deliaj dhe Donald Hoxha, iu dorëzua nga një maket i helikopterit me të cilin humbën jetën.