Dy inxhinierë u vunë në pranga këtë të premte pas aksidentit të ndodhur në punë një ditë më parë në një pallat në Tiranë.
Policia njoftoi se janë arrestuar inxhinieri i firmës dhe inxhinieri për zbatimin e rregullave të sigurimit teknik.
Ata akuzohen për veprën penale “Shkelje e rregullave të mbrojtjes në punë”.
Të enjten një 63-vjeçar teksa punonte për ndërtimin e një pallati, ra nga lartësia e për pasojë humbi jetën.