60-vjeçari sulmohet nga peshkaqeni dhe vdes

Një peshkaqen sulmoi dhe vrau një 60-vjeçar teksa ishte duke bërë sërf në bregdetin lindor të Australisë.

Sipas policisë vendase, burri ishte duke bërë sërf në Salt Beach, afër Kingscliff, 800 kilometra në veri të Sidneit, kur një peshkaqen e sulmoi atë. Aksidenti ndodhi këtë të hënë.

Plazhi është mbyllur nga policia. Ky është sulmi i tretë vdekjeprurës nga peshkaqenët në ujërat australianë për këtë vit.