Në Maqedoninë e Veriut janë regjistruar dy viktima të tjera nga koronavirusi, mes tyre edhe një i ri 31 vjecar. Ministri i shëndetësisë Venko Filipce bëri të ditur se deri tani numërohen 6 viktima dhe 257 të infektuar. Dy qendra të reja testimi do të vihen në dispozicion për qytetarët. Ndërkohë në Greqi, numri i rasteve të konfirmuara të koronavirusit i ka tejkaluar 1.000. Deri tani 32 persona kanë humbur jetën.
Situata nuk është aspak pozitive edhe në Kosovë ku numërohen 91 të infektuar. Dy raste janë identifikuar edhe në veri të vendit. Kryetari i Federatësë së Sindikatave të Shëndetësisë, Blerim Syla tha se Kosova është e papërgatitur pasi ka mungesë të stafit mjekësor.
Policia ka arrestuar 40 persona nga qytete të ndryshme të vendit, të cilët nuk kanë respektuar masat e vendosura për parandalimin e përhapjes së sëmundjes.
Më 22 mars, u regjistrua viktima e parë nga Covid 19. Ndërsa në Serbi numërohen 11 vitkima dhe rreth 700 të infektuar. Edhe në Mal të zi një person ka humbnur jetën dhe më shumë se 80 të tjerë janë infektuar.
Qeveritë në të gjitha vendet e rajonit kanë shtuar masat kufizuese në qarkullim për të ngadalësuar përhapjen e mëtejshme të pandemisë.
