Gazetari i Vizion Plus Esido Barkaj ka zbuluar detaje të reja nga masakra në Greqi, ku humbën jetën 6 shqiptarë nga breshëria e plumbave.
Në një intervistë për emisionin Quo Vadis në Vizion Pus, Barkaj tha se në zonën ku ndodhi ngjarja janë dëgjuar mbi 100 të shtëna, por nëe trupat e viktimave policia ka arritur të gjejë vetëm 30.
Sipas gazetarit, zona është pak e populluar çka e bën të vështirëmonitorimin me kamera, ndërsa thekson se autorët dyshohet të jenë po shqiptarë dhe shkak për këtë masakër të jenë bërë pazaret e drogës.
“Një ngjarje tipike mafioze ka tronditur Greqinë , pak kilometra larg kryeqytetit Athinës. Janë 6 persona të vrarë me armë zjarri. Sipas policisë, të 6 personat janë shqiptarë. Deri më tani jemi në hapat e parë të hetimeve. Policia greke shprehet se në orën 16:00 ka nisur përplasja me armë zjarri mes dy bandave kriminale, çka ka prodhuar të paktën 6 viktima. 5 prej tyre janë gjetur në automjetin me të cilin po lëviznin viktimat dhe 1 tjetër jashtë automjetit. Nuk përjashtohet pista, që trupi që është gjetur jashtë mjetit, ti përkiste grupit rival. Deri tani nuk janë bërë të ditur identitetet e personave të vrarë. Paraprakisht dyshohet se janë përplasur dy banda shqiptare të drogës. 5 personat e gjetur brenda mjetit ishin të përfshirë në trafikun ndërkombëtar të lëndëve narkotike, por nuk përjashtohet as përplasja mes burgjeve famkeqe të Greqisë mes bandave shqiptare.
Deri tani është bërë ndjekja e një automjeti të zi me targa shqiptare që dyshohet se i përkiste autorëve dhe një motorr që ka lëvizur në momentin që ka nisur përplsja me armë mes dy grupeve rivale. Janë dy pista, ose personat i kanë nxjerrë në pritë, ose ata kanë shkuar për tu sqaruar për konfliktet e tyre të hershme.
Në zonë nuk ka shumë biznese ose banesa, çka e bën të vështirë monitorimin me kamera. Janë dëgjuar mbi 100 të shtëna, por polcia ka arritur të dokumentojë 30 plumba në trupat e viktimave”, tha gazetari Barkaj.
