59-vjeçari nga Lushnja vdes si pasojë e koronavirusit

Shkon në 35 numri i viktimave nga koronavirusi në Shqipëri. Mirela Cami nga Instituti i Shëndetit Publik njoftoi se mëngjesin e kësaj të enjteje ka humbur jetën në Spitalin Infektiv një 59-vjeçar nga Lushnja.

Ai ishte konfirmuar me COVID-19, por nga ana tjetër vuante edhe nga disa sëmundje kronike.

“Mëngjesin e sotëm ka ndërruar jetë në spitalin infektiv një pacient 59 vjeçar nga Lushnja, i shtruar prej 6 ditësh në terapi intensive, i konfirmuar me Covid19. 59-vjeçari vuante nga Kardiomiopati e dilatuar, sëmundje renale kronike, diabet mellitus, anemi. Pas asistencës së madhe të stafit mjekësor në terapi intensive, 59 vjeçari nuk ka mundur të mbijetojë. Ministria e Shëndetësisë i shpreh ngushëllime familjarëve të të ndjerit.”

Situata vijon të rëndohet në Spitalin Infektiv. Pacientë të shtruar aty janë 52, nga të cilët tetë janë në terapi intensive.