Nuk parakaloi dot prej shpejtësisë së madhe/ Dy të plagosur, njëri në gjendje të rëndë në spital

Aksident në autostradën Levan-Vlorë, me dy të lënduar. Njëri prej tyre është në gjendje të rëndë për jetën.

Shpejtësia tej normave të lejuara ka sjellë këtë aksident, ku një automjet ka tentuar të parakalojë dhe për pasojë nuk ka mundur të manovrojë duke u përmbysur në autostradë.

Dy autoambulanca kanë mbërritur në vendngjarje së bashku me policinë, ndërkohë që një nga dy të aksidentuarit është në gjendje të rëndë për jetën në spitalin e Vlorës.