Një 58 vjeçar ka denoncuar patrullën e policisë së qarkullimit rrugor se e ka dhunuar.
Ngjarja ka ndodhur në rrugën, Maliq-Korçë, në afërsi të fshatit Vloçisht, ku 58 vjeçari, Albert Shkëmbi ka qenë pasagjer në një mjet tip Nisan që drejtohej nga një 51 vjeçar.
Sipas 58 vjeçarit, pasi ka ndalaur mjetin I ka kërkuar atij që ta shoqërojë për në polici. Por 58 vjeçari e ka kundërshtuar vendimin e efektivëve me argumentin se ka qenë pasagjer dhe jo shofer.
“Më dhunuan dy policët e patrullës. Me goditen me radio dhe grushta. Më thyen edhe krahun”
Por sipas policisë, drejtuesi mjetit P.M., 51 vjeç nga Drenova së bashku me 58 vjeçarin kanë qenë në gjendje të dehur. Në njoftimin për shtyp, policia ka bërë me dije se gjatë momentit që efektivët kryen testin e alkoolit rezultoi se Albert Shkembi ishte në gjendje të dehur dhe se ka kundësrshtuar me dhunë dy efektivët.
Ndërkohë lidhur me denocimin, ka reaguar edhe SHÇBA e cila ka filluar hetimet ndaj dy punonjësve të policisë.
