5 muaj hetime/ Arrestohen shpërndarësit e kokainës

Policia e Elbasanit ka goditur një grup kriminal të shpërndarjes së drogave të forta.

Aksioni u zhvillua mbrëmjen e të martës, raporton Vizion Plus, ndërsa u arrestuan Gëzim Mama 34-vjeç, Hekuran Halili 44-vjeç dhe Simon Stefa 54-vjeç.

Operacioni u ndërmor pas pesë muaj hetime nga ana e prokurorisë së Elbasanit. Tre të ndaluarit, sipas policisë, merreshin me shpërndarjen e kokainës.

Ndërkohë gjatë kontrollit të ushtruar në banesën e 54-vjeçarit Simon Stefa, uniformat blu sekuestruan dy armë zjarri tip pistoletë, një sasi fishekësh si dhe lëndë narkotike kokainë të ndarë në doza.