Këtë të hënë në vendin tonë u regjistrua numër i njëjtë viktimash si një ditë më parë. Edhe sot humbën jetën katër të moshuar, të gjithë me sëmundje bashkëshoqëruese.
Në këtë mënyrë, numri total i viktimave shkon në 400. Nga 912 të dyshuar si të infektuar, 144 prej tyre u konfirmuan pozitivë. Gjithsej, në vend janë prekur nga virusi deri tani 14.410 qytetarë.
Në orët e fundit u shëruan 150 qytetarë, duke e çuar totalin në 8.825. Por shqetësuese mbetet situata në dy spitalet COVID. Atje janë të shtruar 214 pacientë, 19 prej tyre në terapi intensive dhe gjashtë në intubim.
