Një grup studiuesish kanë arritur në përfundimin se koronavirusi ishte prezent në Itali që në nëntor të 2019 dhe se i sëmurë ishte një fëmijë 4-vjeçar nga Milano. Sipas studiuesve, fëmija ishte i sëmurë në 21 nëntor të vitit të kaluar.
Një ditë pas këtij zbulimi, Kina ka nxituar të hedhë akuza ndaj Italisë, duke pretenduar se pandemia ka nisur jashtë Kinës. Mediat kineze i kanë bërë jehonë këtij lajmi, i cili u shpërnda masivisht edhe në rrjetet sociale.
Media “Global Times” kërkon që Organizata Botërore e Shëndetësisë të hetojë për origjinën e virusit në Itali. Qysh kur shpërtheu pandemia, Wuhani është parë si vendi i orgjinës së virusit është madje është fajësuar se nuk e menaxhoi siç duhet sëmundjen.
