Merret peng nje 40 vjeçar ne Durrës. Gazmend Çollaku, banor i këtij qyteti, është rrëmbyer nga persona te maskuar si police, të cilët e kanë futur forcërisht në një autoveturë tip audi me targa gjermane dhe më pas janë larguar. Ngjarja ka ndodhur pranë nje lokali ne shëtitoren ‘Taulantia”, në vendin që njihet si “Dy kullat”. Forcat e policisë kane mbërritur në vendngjarje, dhe këqyren kamerat e sigurisë se bizneseve pranë zonës për identifikimin e autorëve. Këta të fundit përveç kamuflikimit si police kanë shfrytëzuar edhe momentin kur ka pasur reshje të dendura shiu per te kryer rrëmbimin. Policia ka ngritur postblloqe në dalje të qytetit, tek stacioni i trenit, ura e Dajlanit, autostradë dhe në Plepa. Paralelisht me kërkimet për gjetjen e autorëve dhe pengut, policia po heton edhe rreth aktivitetit të 40-vjecarit për të zbardhur motivin e pengmarrjës. Mësohet se Çollaku është person me precedentë penal, pasi është dënuar per armëmbajtje pa leje.

 

 

 

 

Leave a Reply

Your email address will not be published. Required fields are marked *