Algjeria është fituese e Kupës se Afrikës ne futboll. Ne finalen e Kajros te ashtuquajturat “dhelprat e shkretëtirës” munden Senegalin me rezultatin e ngushte 1-0.

Goli i vetëm i takimit u shënua qe ne minutën e 2 me protagonist Bunedjah, gjuajtja e te cilit u devijua duke përfunduar ne rrjete. Një top qe gjeti te papërgatitur dhe te surprizuar portierin Gomis.

Për Senegalin qe nuk luante ne këtë finale Kulibali i skualifikuar, vlen për t’u përmendur ylli i saj sulmuesi i Liverpulit Mane ne një mbrëmje për t’u harruar.

Gjithsesi skuadra e tij beri gjithçka ne pjesën e dyte por pa arritur te gjente rrjetën për golin e barazimit. Rasti për tu diskutuar ishte minuta e 60 kur arbitri akordoi një penallti ne favor te Senegal për një top te prekur me dore ne zone nga Guediura por me pas ishte sistemi VAR qe e anuloi atë pasi pa edhe njëherë aksionin.

Ne fund fitoi skuadra me lojën me te mire ofensive te turneut kundër një formacioni te forte ne aspektin fizik dhe shume i mire ne fazën mbrojtëse.

Për Algjerinë ky ishte triumfi i dyte ne këtë kompeticion pas atij te vitit 1990. Ne kampin kundërshtar për “luanët” e Taragnet ky ishte dështimi i dyte pas atij te 17 viteve me pare . Futbollisti me i mire i Kupës ne përfundim te turneut u shpall lojtari me i ri i Milan Benacer.

Leave a Reply

Your email address will not be published.