Policia e Korçës vazhdon aksionet kundër trafikut të emigrantëve të paligjshëm. Këtë të hënë u prangos një 33-vjeçar, teksa udhëtonte me mjetin e tij.
Brenda në makinë, ai kishte futur pesë klandestinë, të cilëve u kishte kërkuar nga 300 euro për t’i kaluar drejt vendeve të BE. I riu akuzohet për veprën penale “Ndihma për kalim të paligjshëm të kufijve”.
Disa ditë më parë në Korçë u kapën 80 emigrantë, numri më i madh i refugjatëve të arrestuar ndonjëherë në juglindje.
