32-vjeçari nga Vora godet me thikë bashkëshorten

Një 32-vjeçar është arrestuar nga policia e Tiranës pasi akuzohet se ka goditur me thikë bashkëshorten e tij.

“Specialistët për Hetimin e Krimeve në Komisariatin e Policisë Nr. 7 arrestuan shtetasin A. H., 32 vjeç, banues në Vorë, pasi gjatë një konflikti për motive të dobëta, ka goditur me mjet prerës (thikë) bashkëshorten e tij”, njofton policia.

Bashkëshortja e 32-vjeçarit ndodhet në kujdesin e mjekëve. Materialet i kaluan Prokurorisë./vizionplus.tv