Sërish tre viktima nga koronavirusi brenda ditës. Ministria e Shëndetësisë raportoi edhe për një humbje tjetër jete.
Bëhet fjalë për një pacient 86-vjeçar nga Shkodra që trajtohej në terapi intensive prej 12 ditësh.
Me vdekjen e tij, shkon në 66 numri total i viktimave që prej nisjes së pandemisë në Shqipëri.
Në përditësimin e shifrave gjatë paradites, ministria njoftoi për një 74-vjeçare nga Shkodra dhe një 82-vjeçare nga Tirana që kishin humbur betejën me virusin gjatë 24 orëve të fundit.