Betejën me koronavirusin gjatë 24 orëve të fundit e kanë humbur edhe tre pacientë të tjerë. Teksa bëri përditësimin e shifrave, specialistja Mirela Cami deklaroi se viktimat janë një 56-vjeçar dhe një 76-vjeçar nga Tirana, me sëmundje të tjera, si edhe një 90-vjeçar nga Elbasani.
Krahasuar me një ditë më parë, ka një rënie të rasteve të reja. Mes 500 të testuarve, janë gjetur 79 të infektuar, ndërsa të enjten ishin 92.
Rënie pa pësuar edhe numri i pacientëve të shtruar në dy spitalet COVID. Nga 124 persona që ishin një ditë më parë, këtë të premte u raportua për 115 të sëmurë që kanë nevojë për kujdes mjekësor.
16 prej tyre janë në terapi intensive, 5 prej të cilëve pacientë të intubuar.
Gjatë 24 orëve të fundit janë shëruar 69 qytetarë.
