3 njësi administrative në Dibër pa drita/ Në 11 qendra votimi s’ka identifikim elektronik

57.680 qytetarë me të drejtë vote në 101 qendra votimi do të votojnë sot në Dibër për të zgjedhur kryetarin e Bashkisë.

Bëhet me dije se 3 njësi administrative janë pa energji elektrike, Selishta, Arrasi dhe Sllova ndërkohë janë marrë masa për pajisjen me gjenerator.

Ndërsa në 11 qendra votimi nuk po kryhet identifikimi elektronik, por po bëhet manulaisht teksa procesi i votimit vijon.

Partia Socialiste do të përfaqësohet në këto zgjedhje me Rahim Spahiun. Partia Demokratike ka zgjedhur Luan Hakën si kandidat, ndërsa Shtëpia e Lirisë përfaqësohet me Premtim Kryemadhin.