Numri i të vdekurve nga sulmet e Izraelit në Rripin e Gazës është rritur në rreth 3,000 të vdekur dhe 12,500 të plagosur.
Lajmi është bërë i ditur nga Ministria e Shëndetësisë e Hamasit.
Të paktën 54 persona, përfshirë gra dhe fëmijë, u vranë dhe dhjetëra të tjerë u plagosën gjatë natës mes të hënës dhe të martës.
Ndërkohë organizata humanitare ActionAid ngre alarmin për situatën në Gaza duke bërë të ditur se gratë dhe fëmijët pa ujë janë të rrezikuar nga kolera”
“Furnizimet me ujë po arrijnë nivele kritike në të gjithë Rripin për shkak të bllokadave të vazhdueshme të karburantit, ujit dhe ushqimit. Mungesa e ujit dhe sëmundjet e shkaktuara nga uji nuk janë uji i pijshëm mund të shkaktojë një katastrofë shëndetësore për qindra mijëra e njerëzve dhe një rrezik alarmant për jetën e grave shtatzëna dhe gjidhënëse dhe të porsalindurve të tyre”, u shpreh Soraida Hussein-Sabbah, specialiste e gjinisë dhe avokimit në ActionAid.
“Në pamundësi për të pire ujë dhe në mes të bombardimeve dhe zhvendosjeve të vazhdueshme, gratë e dehidratuara do të luftojnë për të prodhuar qumështin që u nevojitet për të ushqyer foshnjat e tyre dhe për t’i mbajtur gjallë. Rënia totale e kanalizimeve në të gjithë Gazën rrit gjithashtu kërcënimin e kolerës,” shtoi ajo.
