Të afërmit, miqtë dhe qytetarët u mblodhën në Minneapolis për t’i dhënë lamtumirën George Floyd, 46-vjeçari afrikano-amerikan i vrarë gjatë arrestimit.
Ceremonia u zhvillua në faltoren e Universitetit Qendror të Veriut. Pas ceremonisë, trupi i Floyd do të çohet në Raeford, Karolinën e Veriut, ku ai lindi, dhe më vonë në Houston, Texas, ku u rrit dhe jetoi pjesën më të madhe të jetës së tij.
Ceremonia në Minneapolis ishte e para nga tre ceremonitë e varrimit që do të mbahen gjatë javës. Gjatë ceremonisë pati 500 të pranishëm. Avokati i tij, Benjamin Crump tha se Floyd vdiq nga pandemia e racizmit.
“Nuk ishte koronavirusi që vrau George Floyd, por pandemia e racizmit dhe diskriminimit.”
Pas kryerjes së autopsisë, rezultoi se afro-amerikani kishte koronavirus.