Kryeministrja e Serbisë: Pavarësia e Kosovës nuk do njihet kurrë

Kryeministrja e Serbisë, deklaroi se pavarësia e Kosovës nuk do të pranohet kurrë nga Serbia.

Sipas saj njohja e Kosovës nuk do të jetë kompromis nga ana e Beogradit.

Gjatë një interviste të dhënë për gazetën gjermane “Die Welt”,  Ana Brnabiç tha se marrëdhëniet me Prishtinën për serbët janë të vështira dhe emocionale.

“Presidenti i Serbisë, Aleksandar Vuçiç bëri një hap të guximshëm dhe të përgjegjshëm kur filloi një dialog ndër-rajonal. Çdo bisedë ishte atëherë tabu. Kosova ishte Serbi. Pikë. Tash duhet të gjejmë kompromisin. Serbia kurrë nuk do ta njohë Kosovën e pavarur. Kjo nuk do të ishte një kompromis. Nëse vazhdojmë të insistojmë që Kosova i takon Serbisë, një kompromis nuk do të ishte i mundur”.