Ndërsa çdokush mund ta lidhë veten me një eksperiencë të keqe, jo çdokush e kupton ç’do të thotë të takohesh me dikë emocionalisht të paqëndrueshëm dhe abuziv. Për pasojë, miqtë mund të mundohen t’ju sigurojnë se gjithçka është ok dhe në fund do të rregullohet. Ok, këtu është koha për një “zile zgjimi”!
Nëse i dashuri juaj shfaq një nga këto shenja, duhet ta dini se po takoheni me një psikopat emocional.
1. Ata nuk kanë empati ndaj të tjerëve
Nëse përgjatë problemeve që keni kaluar në marrëdhënien tuaj ka munguar gati totalisht ndjeshmëria dhe mirëkuptimi, diçka nuk shkon mirë.
2. Ata gënjejnë gjatë gjithë kohës
A ka treguar shenja partneri juaj se mund të jetë një gënjeshtar kronik? Nuk është e thënë të jenë gjëra madhore – gënjeshtrat e vogla të bardha janë e njëjta gjë. Psikotikët emocionalë kanë tendencën të gënjejnë për çdo gjë, gjë e cila e bën të paqëndrueshme marrëdhënien.
3. Ata ju lënë në baltë
Presupozohet që i dashuri juaj t’ju mbështesë dhe inkurajojë. Nëse ata ju shpërfillin në sy të të tjerëve, kjo do të thotë që ata nuk duan t’ia dijnë për ndjenjat tuaja dhe më mirë do t’ju lëshonin se sa t’ju ndihmonin të ngjiteshit.
4. Ata duan vëmendje por nuk japin vëmendje
Një psikotik emocional kërkon gjithmonë vëmendje. Megjithatë, pjesa ironike është se ata rrallë japin vëmendje mbrapsht. Ata duan që ju t’i dedikoheni nevojave të tyre, por rrallë do të shikoni të bëjnë të njëjtën gjë për ju. Ky cikël të çon në një marrëdhënie të njëanshme.
5. Ata ju fajësojnë gjithmonë juve
Loja e fajësimit është shumë familjare për psikotikët emocionalë. Ata kurrë nuk marrin përgjegjësi për veprimet e tyre dhe gjithmonë presin që faji t’i mbetet dikujt tjetër. Ju tingëllon familjare?
6. Ata ju izolojnë
Meqë psikotikët emocionalë kërkojnë vëmendje, ata duan të jenë të sigurtë që ju nuk po ia u jepni atë askujt tjetër. Ata e bëjnë këtë që t’ju largojnë nga miqtë dhe anëtarët e familjes. Ata ju dekurajojnë sapo lini shtëpinë duke ju bindur që nuk keni nevojë për njerëz të tjerë – sepse ju keni gjithçka ju nevojitet tek ata.
7. Ata ju kërcënojnë
Nëse bëni diçka që partnerit nuk i pëlqen, rrallë ai do ju ballafaqojë në një formë të butë. Ai do ju kërcënojë, madje. Në disa raste serioze, psikotikët emocionalë mund të kërcënojnë se do të lëndojnë veten.
8. Ata asnjëherë nuk tregojnë brerje ndërgjegjje
Pavarësisht gjithë gjërave të këqija që bëjnë – dhe shpeshtësisë me të cilën ju lëndojnë – psikotikët emocionalë rrallë tregojnë brerje ndërgjegjje. Fjala “Më fal” nuk ekziston në fjalorin e tij, pavarësisht situatës. Në fakt, ata më shumë mund të përpiqen t’ju bindin se problemet në marrëdhënien tuaj janë faji juaj.
9. Ata kanë një “sens humori” sadist
Çdokush ka një sens humori të ndryshëm, por psikotikët emocionalë janë krejt të veçantë. Ata bëjnë humor me gjëra që njerëzve mund t’ju duken të pështira. Kjo përsëritet aq shpesh sa njerëzve mund t’ju duket bezdisëse.
10. Në disa raste ata janë ekstremisht sharmues
Ironike po, por pavarësisht gjithë veprimeve negative që manifestojnë, psikotikët emocionalë shpesh janë ekstremisht karizmatikë dhe sharmues. Kjo është një pjesë e madhe e problemit të tyre. Shpesh, kur harrojnë pjesën e keqe, ata mundohen t’ju bindin të ktheheni në normalitet. Tamam në këtë moment ju duhet të mos harroni vazhdimin e historisë.
Është koha të tundeni! Nëse ndonjë nga këto shenja ju tingëllon familjare. Sa më shpejt, aq më mirë./Living
