28 nga 35 deputetë të Partisë Demokratike njohin Gazment Bardhin si kryetar të grupit parlamentar.
Përmes një shkrese, drejtuar kryeparlamentares Lindita Nikolla, 28 deputetët që kanë firmosur janë Agron Gjekmarkaj, Asllan Dogjani, Bledion Nallbati, Bujar Leskaj, Dashnor Sula, Dhurata Cupi, Edi Paloka, Ervin Salianji, Ferdinand Xhaferaj, Flamur Hoxha, Gazment Bardhi, Greta Bardeli, Helidon Bushati, Ina Zhupa, Isuf Celaj, Jorida Tabaku, Kastriot Piroli, Lefter Gështenja, Lindita Metaliaj, Ludovik Hasanaj, Qani Xhafa, Ramadan Likaj, Saimir Korreshi, Sorina Koti, Tomor Alizoti, Xhelal Mziu dhe Zheni Gjergji.
Njohja e kreut të grupit parlamentar shkaktoi debate ditën e djeshme në Konferencën e Kryetarëve, pasi Flutura Açka, që Basha i delegoi kompetencat për të drejtuar grupin, u largua nga mbledhja. Shkak për këtë u bë mosnjohja e saj si drejtuese e grupit parlamentar.
Pas kundërshtimeve të pjesës dërrmuese të deputetëve të PD, Kryetarja e Kuvendit sqaroj se vetëm kishte lexuar një njoftim, por do të shprehej pasi të merrte opinionin e Drejtorisë Juridike të Kuvendit.
Dje bazuar në këtë opinion, Gazment Bardhi u ftua dhe u ul në Konferencën e Kryetarëve si Kryetar i Grupit Parlamentar të PD, gjë që solli largimin e deputetes Flutura Açka nga mbledhja.
