Policia e Tiranës ka finalizuar fazën e pestë të operacionit të koduar “Relay”.
Në kuadër të këtij operacioni u arrestua një shtetas maqedonas që transportonte emigrantë të cilët synonin të kalonin ilegalisht në shtetet e BE-së.
Gjithashtu u identifikua organizatori i këtij rasti, i cili dyshohet se iu ka marrë emigrantëve nga 2500 euro me premtimin se do t’i transportonte në Itali.
|”Gjatë operacionit u vu në pranga shtetasi maqedonas, J. N., 41 vjeç, si dhe u shpall në kërkim shtetasi M. A., 33 vjeç, banues në Durrës.
41-vjeçari u kap në flagrancë, në aksin rrugor “Kashar-Thumanë”, teksa transportonte 2 emigrantë. Ndërkaq, nga hetimi dyshohet se 33-vjeçari iu ka marrë secilit prej emigrantëve, 2500 euro, me premtimin se do të mundësonte transportimin ilegal të tyre, në Itali.
Punohet për kapjen e shtetasit M. A. Gjithashtu, në bashkëpunim me Prokurorinë, vijon hetimi për të identifikuar dhe për të nxjerrë përpara përgjegjësisë penale, shtetas të tjerë që mund të jenë përfshirë në këtë rast”, njofton policia.
